Política de seguridade

O equipo de Vevi Dental é consciente da importancia que supón para ti a seguridade dos teus datos e os dos teus clientes. É por iso que desde o primeiro momento apostamos por unha plataforma na nube. Xa non terás que preocuparte por manter o teu ordenador libre de virus, actualizar diariamente o teu sistema e aplicacións para parchear problemas de seguridade, realizar copias de respaldo dos teus datos, etc. No seu lugar, o noso equipo de expertos encargarase destas e outras moitas tarefas que é necesario realizar todos os días para garantir a seguridade dos teus datos. Unha vez comeces a usar Vevi Dental, a túa única preocupación será acordarte do teu contrasinal ;-)

Empresa certificada ISO 27001

Vevi Systems S.L. ten un sistema de xestión da seguridade da información certificado segundo a norma ISO/IEC 27001:2013 por Applus+.

Podes descargar aquí o certificado acreditativo.

Plataforma segura

Vevi Dental é un produto desenvolvido por programadores expertos en seguridade, que desde o primeiro momento tivemos presentes os problemas habituais deste tipo de plataformas.
A diferencia doutros produtos, todo o persoal involucrado no desenvolvemento de Vevi Dental somos enxeñeiros en informática con anos de experiencia en desenvolvemento de software e seguridade en aplicacións e sistemas.
Auditamos periódicamente a seguridade da nosa plataforma, e mantemos actualizados en todo momento todos os compoñentes da mesma, evitando a presencia de fallos de seguridade coñecidos.
O noso sistema de control de acceso baseado en roles permite que ti tamén poidas xestionar quen dos teus empregados ou clientes teñen acceso aos teus datos e en que condicións.

Acceso seguro

O acceso á nosa plataforma require da autenticación do usuario mediante contrasinal. Seguimos procedementos amplamente aceptados para a xestión e almacenamento seguro de contrasinais, a xestión das sesións de usuario e a prevención de ataques por forza bruta.
O noso persoal nunca accede aos teus datos salvo que nolos solicites ou sexa estritamente necesario para garantir o servizo.
Grazas ao uso de HTTPS, toda a información que subes ou consultas na plataforma viaxa totalmente cifrada por Internet, a salvo de manipulación ou roubo. Utilizamos os algoritmos e prácticas de seguridade máis actuais para protexer a túa comunicación coa nosa plataforma.

Os teus datos a bo recaudo

Vevi Dental alóxase na plataforma Amazon Web Services, o principal provedor Cloud na actualidade.
A seguridade dun aloxamento de tales características é moito maior que a dun provedor de hosting ao uso, ou en xeral á que poidas manter nas túas instalacións.
Os centros de datos de Amazon AWS seguen estritas prácticas de seguridade, e contan con numerosas certificacións de prestixio que así o demostran, como ISO 27001, PCI (Payment Card Industry) ou DSS (Data Security Standard), entre outras. Se che interesa coñecer máis detalles acerca de como Amazon xestiona a seguridade dos seus centros de datos, só tes que visitar a información que eles mesmos teñen dispoñible: http://aws.amazon.com/es/security/.
Facemos copias de seguridade dos teus datos cada hora, para que nunca perdas a información que precisas. Gardamos as copias de forma redundante, e transmitímolas e almacenamolas cifradas para que só o persoal de Vevi Dental debidamente autorizado poida acceder a elas cando sexa preciso.
Tanto Vevi Dental como a plataforma AWS cumpren co Reglamento Xeral de Protección de Datos (RXPD) o que asegura o tratamento correcto dos teus datos polos nosos sistemas e empregados, segundo a Lexislación vixente na Unión Europea, o que facilita o cumprimento desta normativa na túa empresa.

Os teus datos son teus

Temos un firme compromiso coa privacidade dos teus datos. Non cedemos a ninguén os datos que subes á plataforma, nin os utilizamos para ningún outro fin alleo ao propio funcionamento de Vevi Dental.
Podes dispor dos teus datos en todo momento a través da plataforma. E se o desexas, proporcionámoschos nun formato máis cómodo para que os gardes ou os leves cando queiras.
Todos os teus datos están aloxados en servidores situados na Unión Europea (na actualidade Amazon mantén os seus servidores en Irlanda), garantíndose a túa privacidade polo Regulamento (UE) 2016/679 de 27 de abril de 2016, Regulamento Xeral de Protección de Datos (RXPD), en consonancia coas recomendacións da Axencia Española de Protección de Datos (AEPD) no relativo á contratación de servizos na nube.
Podes borrar ou editar os teus datos en calquera momento desde a propia plataforma. E podes contactar connosco se desexas recuperar algún dato que borraras por erro, ou se queres que eliminemos os teus datos das copias de seguridade.

Xestión responsable de incidencias

A pesar de todos os esforzos que realizamos día a día para evitalo, somos conscientes que tarde ou cedo poderán producirse incidencias de natureza accidental ou intencionada, e estamos preparados para responder a elas.
Realizamos una xestión responsable das incidencias, informando aos nosos clientes de todas aquelas que poidan afectar ao noso servizo ou aos seus datos, e indicando a natureza das mesmas, as medidas tomadas para solucionalas, o tempo de resolución estimado e, en caso de producirse, os danos causados.
Mantemos un plan de continxencia para responder no menor tempo posible ás incidencias que poidan producirse, minimizando o seu impacto no servizo.

E ademáis, se queres coñecer máis acerca da nosa política de seguridade, ou consultarnos calquera dúbida ou preocupación, non tes máis que contactar con nosoutros.

Próbao de balde!